Vestfjarðarvíkingurinn sýndur á RÚV 2010

Þáttur um keppni aflraunamanna á Vestfjörðum síðastliðið sumar. Þar tókust sterkustu menn Íslands á við fjölbreyttar þrautir eins og gert hefur verið í Vestfjarðavíkingi í tæpa tvo áratugi. Leikur jötnanna berst víða um Vestfirði og þeir þreyta aflraunir sínar á Hólmavík, í Mjóafirði, á Súðavík, á Suðureyri, Þingeyri, Bolungarvík og Ísafirði.

Í þættinum er fylgst með átökunum, og ýmsu því sem fyrir augu ber á Vestfjörðum á meðan á keppninni stendur. Einnig er brugðið á leik með görpum, sem meðal annars flytja frumsamin ljóð.

Aflraunakeppnin Vestfjarðavíkingurinn var nú haldin í sautjánda sinn. Ellefu aflraunamenn mættu til leiks og vitnuðu um kynslóðaskipti í aflraunum hér á landi, níu þeirra 24 ára og yngri.

Umsjón og dagskrárgerð var í höndum Óskars Þórs Nikulássonar og Samúels Arnar Erlingssonar.

 

Ekki missa af þessu ! En þarna er hægt að sjá Ljónið, Hafþór Júlíus á sinni fyrstu aflraunakeppni lenda í 2.sæti !