Uppsveitarvíkingurinn 7.ágúst

Páll Logason sigraði Uppsveitarvíkinginn 2009 en þetta var ótrúlega jöfn og spennandi keppni því þegar aðeins ein grein var eftir voru Palli og Orri jafnir í fyrsta sæti með 30 stig og Hafþór með 29 stig ! Síðasta greinin var Húsafellshelluburður en fyrstur í greinina var Stulli sem fór á tímanum 12,25sek. Óli Valur var annar og fór á tímanum 11,81sek og sagðist Hjalti ekki hafa séð svona góðan tíma. Þriðji var Hafþór en hann bætti tíman og fór á 10,22 sek. Hann var alveg ótrúlega fljótur og hefði hann án efa sigrað greinina ef hann hefði verið fljótari að ná steininum upp, þvílík ferð !! Orri var fjórði og bætti tíma Hafþórs um rúmar 2 sekúndur þegar hann náði tímanum 8,04 ! Þarna var maður farinn að velta fyrir sér hvort að Palli myndi ná þessum tíma þar sem hann er lægri en Orri. Palli rífur upp steininn og þýtur af stað og nær ótrúlegum tíma, 7,87sek og þar með búinn að sigra Uppsveitarvíkinginn 2009!

 

Skráning: Hjalti Úrsus: 8978626 eða hjaltiar (hjá) simnet.is