Ísland í öðru sæti á smáþjóðaleikum
Sigurður, Hrannar, Gísli, Erlendur og Guðmundur Helgason
fararastjóri í fanginu á strákunum
Smáþjóðaleikarnir í ólympískum lyftingum 2010 voru
haldnir í Kýpur um síðustu helgi. Ísland sendi fjögurra manna lið, sem
náði öðru sæti á mótinu. Aðrar þjóðir sem tóku þátt voru Kýpur, Malta,
Luxemburg og San Marínó. Lið Kýpurbúa sigraði í leikunum og Luxemburg
varð í þriðja sæti.
Smellið á Nánar
Keppni þessi var
einnig hluti af stærri keppni, Rene deVille Open, en þar kepptu, auk
þeirra liða sem þátt tóku í smáþjóðaleikunum, lið Grikklands, Englands,
Skotlands og Wales. Íslendingar hrepptu þriðja sæti í þeirri keppni. Í
fyrsta og öðru sæti voru Grikkir og Kýpurbúar. Kýpurbúar höfðu veg og
vanda af skipulagi þessara leika og gerðu það með sóma.
Lið Íslands var skipað af Gísla Kristjánssyni í 105
kg flokki, Erlendi Jóhannessyni í 94 kg flokki, Sigurði Bjarka
Einarssyni í 85 kg flokki og Hrannari Guðmundssyni í 69 kg flokki. Gísli Kristjánsson snaraði 135 kg og missti 140 kg
naumlega. Hann jafnhattaði 150 kg. Gísli var í þriðja sæti allra
keppenda á Smáþjóðaleikunum samkvæmt stigatöflu þrátt fyrir að hann væri
langelstur allra keppenda, 46 ára. Árangur Gísla vakti athygli á mótinu
og er hvatning fyrir alla lyftingamenn að láta ekki deigan síga þótt
þeir séu komnir af léttasta skeiði. Erlendur
Jóhannesson snaraði 118 kg og jafnhattaði 138 kg, og er snörunin og
samanlagður árangur Íslandsmet fullorðinna, auk þess sem snörun,
jafnhöttun og samanlagður árangur er Íslandsmet unglinga. Þetta voru
gullfallegar lyftur eins og Erlends er von og vísa, og veruleg bæting
hjá honum, en samt sem áður leit út fyrir að hann ætti meira inni.
Erlendur varð í fimmta sæti í stigakeppni einstaklinga og hreppti
sérstök verðlaun sem besti unglingurinn á mótinu, en hann er 19 ára.
Íslendingar geta verið stoltir af þessum glæsilega íþróttamanni.
Erlendur Jóhannesson var besti unglingur mótsins Sigurður
Bjarki Einarsson snaraði 111 kg og jafnhattaði 135 kg, sem er nálægt
hans besta árangri í snörun, en í annarri tilraun jafnhendingar tóku sig
upp gömul meiðsli í læri hans og hann varð þá að hætta keppni og láta
sér nægja þau 135 kg sem hann hafði jafnhattað. Vonandi gróa þessi
meiðsli fljótt
og örugglega. Hrannar Guðmundsson snaraði 98 kg, jafnhattaði 117 kg, sem
eru hvort tveggja Íslandsmet, auk þess sem samanlagður árangur er
einnig Íslandsmet.
|
