Sigurður Gestsson171 cm 
Ljósm. Loadedcup.dk |
Þyngd: 88-90kg
Keppnisþyngd: 80kg
Fæðingarstaður: Akureyri
Hvernig kviknaði áhuginn?
Þessi áhugi virðist bara hafa verið meðfæddur því ég las allt sem ég komst í um líkamsrækt frá 12 eða 13 ára aldri. Þetta byrjaði þannig að ég var keppnismaður á skíðum frá 11 ára aldri. Um14 ára aldurinn fórum við að lyfta á sumrin og haustin fyrir skíðin og átti það mjög vel við mig. Ég virðist hafa mjög góð gen í þetta, bæði styrktist hratt og varð bara þó nokkuð stæltur.
Hvenær hófst svo fyrsta köttið/niðurskurðurinn?
Fyrsti niðurskurðurin var nú voða þægilegur. Maður var nánast fitulaus og þurfti lítið fyrir þessu að hafa en þetta var fyrir fyrsta íslandsmótið í vaxtarrækt sem haldið var á Brodway 1982. Þar keppti ég í 70 kg flokki og sigraði. Eg æfði mikið með Gísla Rafnsyni en við stóðum mikið í þessu saman. Við gáfum meðal annars út bók á þessum tima, Fjör og Frískir vöðvar. Það var frábært að æfa með Gísla sem var óhemju duglegur og vel lesin en þrálát axlameiðsl háðu honum og gerðu það að verkum að hann hætti að keppa. Ég byrjaði að æfa með kraftlyftingamönnum fyrsta árið mitt og keppti á nokkrum kraftlyftingamótum mér til gamans. Ég var strax mjög sterkur, á mínu fyrsta mótið var ég aðeins 67 kg og búin að æfa i örfáa mánuði. Ég man að ég hafði ekkert æft réttstöðulyftu. Víkingur heimskautabangsi og Artúr Boga sögðu mér eitthvað til hvernig ég ætti að bera mig að en á þessu móti lyfti ég 180 kg i hnébeygju, 105 kg í bekkpressu og 220 kg í réttstöðulyftu. Eftir eitt ár með kraflyftingamönnum fékk ég inni í íþróttahöllini á Akureyri og setti upp aðstöðu þar sem Vaxtarræktin er í dag. 
Ljósm. Mbl.is |
Hver finnst þér vera helsti munurinn á undirbúningi fyrir mót nú og hér áður fyrr ?
Varðandi þekkingu þá var maður búin að lesa allt sem maður komst í. Það kom hérna heimsmeistari í vaxtarrækt, Andreas Chaling, sem kenndi okkur mikið. Ég fór svo ásamt Gísla vini mínum í höfuðvígi vaxtarræktar í heiminum Golds Gym í Californíu þar sem flestir heimsins bestu vaxtarræktarmenn voru að æfa. Þar var ég eitt sumar eingöngu við æfingar, námskeið og lestur um líkamsrækt. Ég sótti námskeið og fyrirlestra hjá fremsta líkamsræktarfólki í heiminum og svo reyndist Andreas Chaling mér endalaust vel. Þarna hef ég orðið mér út um fyrstu almennilegu þekkinguna fyrir einkaþjálfara á Íslandi. Við æfðum alla daga nema sunnudaga en dagurinn var þannig að við æfðum fyrst kl 6.30 á morgnana. Fórum svo í lestur eða einhver námskeið. Æfðum aftur kl 12 og fórum svo á ströndina en það var alltaf eins veður, 30 stiga hiti og sól. Þar dormaði maður til kvölds, við höfðum yfirleitt bækur með á ströndini. Þannig að þetta var mjög gagnlegur tími og mikilvægur fyrir líkamsrækt á Íslandi. Hver finnst þér vera helsti munurinn á undirbúningi fyrir mót nú og hér áður fyrr ?
Þó ótrúlegt sé frá að segja þá hefur keppnisundirbúningur sáralítið breyst i gegnum árin. Helsti munur á mataræði er að þú hefur miklu meiri fjölbreytni en áður bæði í mat og fæðubótaefnum. Varðandi sviðsframkomu þá er þetta á svipuðum nótum sumir góðir aðrir lélegir eins og gengur en nú hefur reyndar verið gerð sú breyting að rútínan sjálf er dæmd þannig að það ætti að hvetja menn til þess að gera betur.
Ljósm. Úr einkasafni |
Þú tókst þér langt hlé frá Vaxtarræktinni. Hvað var það langt og hvað fékk þig til að byrja aftur ?
Jú eg keppti ekki í fjórtán ár. Ég hef svo sem enga sérstaka ástæðu að nefna fyrir því að ég byrjaði aftur en kannski þó helst það var ekkert erfitt að koma aftur því ég var allan tíman í mjög góðu formi. Ég æfi alltaf mikið og er ég með mikið af keppnisfólki í þjálfun og æfi þá kannski með þeim duglegustu þannig að það var einfalt fyrir mig að skella mér með.
Hvernig væri hægt að styrkja vaxtarræktina á Íslandi ?
það er engin ein lausn á því. Með einhverjum hætti þarf að vekja áhuga hjá fólki. Þetta snýst um að sportið sé sýnilegt vaxtarræktin er öfgasport þar sem fólk verður að leggja allt í þetta ef árangur á að nást og það eru kannski ekki svo margir sem eru tilbúnir í það. En alltaf er þó nokkur hópur sem reynir við þetta en líftímin er oft frekar stuttur því það er oftar en ekki farið í þetta með það í huga að ná alla leið á stuttum tíma. Þetta bara virkar ekki þannig það má kannski segja að þetta sé lífstíll sem fólk þarf að lifa eftir í langan tíma svo árangur náist. Ég geri mér vonir um að fitnessið muni smám saman búa til keppendur í vaxtarrækt þar sem keppendur vaxi hreinlega upp úr fitnesskeppnunum af því að það er búið að setja þyngdartakmörk miðað við hæð. 
Ljósm. Úr einkasafni |
Hvað finnst þér erfiðast við að keppa í vaxtarrækt ?
Fyrir mig er það kannski það að ég hef oft ekki mikinn tíma fyrir mig því yfirleitt er ég að aðstoða svo marga keppendur. Allt frá smá tilsögn upp í að sjá um allt, allan undirbúning í marga mánuði. Ég sé svo um mótin hér á Íslandi ásamt Einari Guðman þannig að það er mikið um að vera hjá mér í kringum mótin. Svo þegar ég keppi erlendis og þarf um lítið annað að hugsa en sjálfan mig þá finnst mér ég vera komin í frí og nýt þess svo sannarlega að keppa. Mataræði og æfingar mér finnst þetta ekkert erfitt. Ég þekki ekki annað en að æfa mikið og vinna mikið. Mataræðið fyrir keppni hjá mér er bara svo líkt venjulegu mataræði hjá mér, bara aðeins minna af öllu þannig að ég þarf engu að bilta
Æfingavikan mín: ég æfi alltaf 6 daga í viku og oftast þrískipti ég líkamanum þannig að ég fer tvisvar í hvern líkamspart í hverri viku. Þá skipti ég venjulega bak+brjóst, axlir+handleggir og svo fætur sér. Maga tek ég þrisar í viku. Síðustu átta vikurnar fyrir mót æfi ég svo tvisvar á dag, þá bæti ég brennslunni inn.
En á uppbyggingatímabilum skipti ég þessu oft allt öðruvísi og mesta áherslu legg ég þá á veikustu partana. Oftast nota ég æfingatímann til þess að þjálfa upp góðan keppanda ef ég finn einhvern sem hefur skrokkinn, metnaðin og dugnaðin í þetta. Þá skiptir ekki máli hvort það er karl eða kona það er hugafarið sem gildir. Þetta hjálpar mér líka mjög mikið því undir þessum kringumstæðum verður að vera mikill kraftur í æfingunum og það hjálpar mér að sjálfsögðu mikið. Síðustu mót sem ég keppti á voru Bikarmót IFBB 2007 þar sem ég var í 2.sæti í vaxtarrækt. Einnig keppti ég á Heimsmeistaramótinu í Búdapest sem haldið var viku síðar. Þar keppti einnig Kristín Kristjáns Íslandsmeistari kvenna 2007 en ég hef verið með hana í þjálfun síðasta árið og þarna keppti líka Marianne, Íslandmeistari unglinga í fitness Ferill:
1982 fyrsta íslandsmótið 1.sæti -70 kg flokkur
1983 íslandsmót 1. sæti - 80 kg
5. sæti á norðurlandamóti
1. sæti í keppni milli hermanna í kef og íslendinga
1984 íslandsmeistari -80 kg
1985 Íslandsmót 1. sæti.-80 kg og 1. sæti í heildarkeppni
1986 íslandsmeistari - 90 kg.og Heildarmeistari 1987
1991 íslandsmeistari -90 kg og Heildarmeistari
íslandsmeistari -90 kg og Heildarmeistari 1998
5. sæti í -80 kg flokki Vaxtarrækt Norðurlandamót Helsinki Finnlandi 2005
2.sæti opnum fl. 40 ára og eldri Vaxtarrækt Body Oslo Grand Prix 2005
4.sæti -80 kg fl Vaxtarrækt Body Oslo Grand Prix 2005
Mastersfl Vaxtarrækt Heimsmeistaramót IFBB í Búdapest Ungverjalandi 2005
Íslandsmeistari Öldunga Vaxtarrækt 2006
1.sæti -85kg fl Íslandsmóti Vaxtarrækt 2006
6.sæti sínum flokki Grand Prix Oslo 2006
2.sæti 40 ára og eldri fl. Grand Prix Svíþjóð 2006
4.sæti -90kg fl Vaxtarrækt Grand Prix Svíþjóð 2006
5.sæti -80kg fl Vaxtarrækt Grand Prix Ringsted Danmörku 2006
1.sæti Bikarmóti IFBBVaxtarrækt 2006
40-50 ára fl Vaxtarrækt Heimsmeistaramót IFBB Arigento á Sikiley 2006
-90kg fl Vaxtarrækt Heimsmeistaramót IFBB Arigento á Sikiley 2006
2.sæti -90kg flokki Íslandsmóti Vaxtarrækt 2007
Íslandsmeistari Öldunga Vaxtarrækt 2007
4.sæti sínum fl Vaxtarrækt Loaded Cup Ringsted Danmörku 2007
7.sæti -90 kg fl Vaxtarrækt Grand Prix Osló 2007
Vaxtarrækt Evrópumót IFBB Tyumen í Síberíu 2007
2.sæti Vaxtarrækt Bikarmóti IFBB 2007
.sæti Heimsmeistaramóti IFBB í Budapest 2007
2.sæti Íþróttamaður IFBB 2007
5.sæti í -80kg flokki Grand Prix Osló 2008
4.sæti 50-59.ára flokki vaxtarrækt Evrópumóti Unglinga og Öldunga 2008
|
