Úrklippur

Kraftaheimar.net - 18.september 2010

Stórskjóðan í úrslit á Sterkasti Maður Heims!

Stefán Sölvi Pétursson aflraunajötunn

Þar kom að því að allt gekk upp hjá Stefáni Sölva á stórmóti og í undankeppni Sterkasta manns heims í Sun City í Suður Afríku varð hann annar í sínum riðli með glæsibrag. Það eru orðin nokkur mögur ár síðan að klakverji hefur komist áfram í þessari keppni og óska Kraftaheimar honum til hamingju með þennan áfanga á kraftaferlinum. Stebbi hefur verið duglegur að senda inn létt keppniságrip til Sunnu Hlínar á Vöðvafíkn og er mönnum bent á að fylgjast grannt með þeirri ágætu vefsíðu.

Það eru 10 molar sem komast áfram í úrslitin og þar af eru tveir frægir og mjög öflugir molar sem teljast sigurstranglegir en það eru þeir Zydrunas Savickas Litháen og Derek Poundstone USA..Vonum bara að Stebbi geti samt eitthvað saumað að þeim en enginn vinnur svona mót fyrirfram og nokkrum sinnum hafa óvænt úrslit orðið..

ÞEIR SEM KOMUST ÁFRAM:

Brian Shaw / Stefán Sölvi Pétursson
Derek Poundstone /Terry Hollands
Travis Ortmeyer / Ervin Katona
Nick Best /Zydrunas Savickas
Jason Bergmann /Mikhail Koklyaev