Úrklippur

Stefán Sölvi í úrslit með þeim sterkustu

Stefán Sölvi Pétursson er Sterkasti maður Íslands. mbl.is/Jakob Fannar Sigurðsson

Stefán Sölvi Pétursson aflraunamaður er kominn í úrslit í keppninni „Sterkasti maður heims“. Keppnin fer fram í Sun City í nágrenni Jóhannesarborgar í Suður-Afríku.

Stefán Sölvi sigraði í keppninni „Sterkasti maður Íslands“ í júní sl. og vann sér rétt til að keppa um titilinn „Sterkasti maður heims“. Þá keppni hafa tveir Íslendingar unnið, Jón Páll Sigmarsson og Magnús Ver Magnússon.

Keppnin í Suður-Afríku hófst sl. miðvikudag og nú er orðið ljóst að Stefán Sölvi kemst áfram í úrslitin sem fram fara í næstu viku.