Jólamót AFA og Viking Gym 2009: Úrslit

Skrifað af: Sunnu Hlín

Mánudagur, 28. desember 2009 13:38

Fyrsta Jólamót AFA og Viking Gym í Bekkpressu fór fram í húsakynnum Viking Gym í gær þann 27.desember. Keppendur á mótinu voru 19 og stóðu þar margir sig með stakri príði. Mikil barátta var í -125 kg fl, þar sem tókust á Elís Hólm, sem nýfrelsaður er úr kreppunni, og Páll Pálsson, bróðir Guðmundar og Alfreðs Pálssona, en Alli er fyrrum Íslandsmeistari í kreppu, en Páll er þyngstur þeirra bræðra og sýndi að hann er engin eftir bátur þeirra á bekk. Báðir kepptu þeir á kjötinu, og reyndur báðir við 200kg í þriðju umferð. Páll náði sinni upp en fékk ógilda en Elís klikkaði naumlega á henni, Elís sat eftir með 190kg, en Palli með 185kg, og vann Elís því góðan sigur eftir góða keppni.

Bjarni Grétar Jónsson vann svo -90kg flokkinn með 170kg, en hann er aðeins 19 ára og keppti því sem drengur og vann þar stigabikarinn. En upp úr stóðu svo lyftur Árna Freys og Kristins Ara, en Árni tók frábæra 210 lyftu í -100kg.fl sem tryggði honum sigurinn í flokknum og stigabikar í opnu flokki. Kidzenegger tók svo bætingu í -140kg.fl en hann keppti í þeim flokki í fyrsta skipti, með 227,5 kg og þar með flokkurinn unninn og stigahæstu unglinga, en Kiddi verður kominn upp úr þeim aldursflokki í lok vikunnar. Kiddi varð jafn framt stigahæsti maður mótsins, aðeins einu stigi á undan Árna.

Aflraunafélag Akureyrar og Viking Gym vilja þakka Elvari Óskars, Einari Birgis og Þorvaldi Vestmann fyrir dómgæslu dagsins, Stjórn KFA fyrir að lána okkur vigt og auka bekk, auk þess sem þessir snillingar sáu um stangarmennsku á mótinu, og öllum keppendum, aðstoðarmönnum og áhorfendum kærlega fyrir, þið öll gerðuð daginn ógleymanlegan.

Karlaflokkur
-67,5kg flokkur

1.sæti
Jón Guðni Þórarinsson 63,5kg
85kg - 85kg - 92,5kg

Ljósm. Einkasafn

-75kg flokkur

2.sæti
Aðalgeir Hilmarsson 72,2kg
90kg - 90kg - 117,5kg

Ljósm. Einkasafn

1.sæti
Pascal Pálsson 70,7kg
105kg - 110kg -115kg

Ljósm. Sunna Hlín

000000000000000000

-82,5kg flokkur

2.sæti
Hilmar Henning 77,8kg
90kg - 95 - 105kg

Ljósm. Einkasafn

1.sæti
Erlingur Guðmundsson 79,7kg
120kg - 130kg - 130kg

Ljósm. Einkasafn

3.sæti
Ívar Helgi Grímsson
90kg - 95kg - 105kg

-90kg flokkur

2.sæti Þóroddur Einar Þórðarson 87,6kg 105kg - 120kg - 125kg - Ljósm. Einkasafn	1.sæti Bjarni Grétar Jónsson 88,6kg 160kg - 170kg - 175kg Ljósm. Einkasafn	3.sæti Atli Viðar Jónsson 84,6kg 80kg - 90kg - 95kg
4.sæti Sigurður Kristján Grímlaugs 89,5kg 85kg - 90kg - 90kg	5.sæti Halldór Valur Stefánsson 87,8kg 75kg - 82,5kg - 90kg