Laugardagur, 24. janúar 2009 14:50

Bollan sigrar Bekkpressumót Metal

Bekkpressumót Metal fór fram á Eiðistorgi í dag kl 13.00, mótið gekk hratt og vel fyrir sig og lauk rúmum klukkutíma síðar. Valdi Bolla í 140kg flokki sigraði mótið þegar hann tók 260kg í síðustu lyftunni og tryggði sér þar með stigabikarinn sem Sigfús Fossdal vann í fyrra. Sigfús keppti ekki í dag þar sem hann er úti að keppa á American Cup en við munum segja betur frá því í kvöld hvernig það mót fór. Einar Örn Guðnason sem ég held alveg örugglega að hafi verið að keppa í fyrsta skipti tók 135kg í 75kg flokki og fékk því aukalyftu til að reyna við Íslandsmet en sú lyfta fór ekki upp. Ísleifur sigraði 90kg flokk með 222,5kg lyftu. Í 100kg flokki munaði 2kg á fyrsta og öðru sæti en Hemmi tók 202kg en Svavar 200kg. 110kg flokk sigraði Ingvar Jóel, hinn ódrepandi með allar lyftur gildar 180kg - 190kg - 200kg. Grétar Sigþórsson sigraði 125kg flokkinn með 210kg lyftu en Bjarki féll úr með þrjár 200kg lyftur ógildar. Á óvart kom að hinn breiði Jón Benóny féll úr keppni þegar hann fékk allar 280kg lyfturnar. Myndirnar eru að hlaðast inn og munu birtast á síðunni í kvöld. Til að sjá sundurliðuð úrslit smellið á lesa meira...