Íslandsmót WPC Bekkpressu 2009: Úrslit

Ljósm. Sunna Hlín - vodvafikn.net

 

Íslandsmót WPC í Bekkpressu fór fram í dag kl 13.00 í Jakabóli en 9 keppendur mættu til leiks og þar af ein kona, Sólveig Bjarnadóttir. Hún tók 40kg og er það nýtt Íslandsmet í þessum flokki þar sem ekki hefur verið keppt í honum áður. Í 90kg flokki keppti í fyrsta skipti Kristinn Sigurðsson en hann tók 105kg í fyrstu tilraun en fékk svo 120kg tvisvar ógild. Í 100kg flokki keppti Flosi Jónsson sem fékk fyrstu tvær lyfturnar ógildar, 150kg og 160kg, en fékk loks 160kg gild í síðustu tilraun. Í 110kg flokki kepptu þeir Ögmundur Jónsson og Gunnar Freyr þar sem Gunnar sigraði með 185kg. Ögmundur Jónsson tók 150kg en þess má geta að hann er 62 ára !
 
Í 125kg flokki voru þeir Kristinn Ari Sigurjón Ólafsson og Jón Þór Ásgrímsson. Kristinn sigraði flokkinn og tók allar lyftur gildar: 180kg - 190kg og 200kg. Annar var Sigurjón Ólafsson með 150kg og þriðji Jón Þór með 110kg. Í í Ofurflokknum, 140kg, var Magnús Ver Magnússon en hann fékk allar lyftur gildar 240kg - 250kg og 260kg.

 

Smellið á nánar til að sjá úrslitin