Mæti á World´s Strongest Man mótið í toppformi  !

Stefán Sölvi segir frá Viking Power Challange keppninni

Við fréttum við komuna að Travis Ortmayer og Misha Koklyaev hefðu afboðað komu sína en það hefði verið flott að hafa þá með. Mótið var samt með marga topp menn eins og Brian Shaw, Richard Skog, Laurence Shalaei, Dave Ostlund, Stoyan Todorchev, Johannes Arsjö ofl.

12 keppendur mættu til leiks en eftir 4 keppnisgreinar átti að fækka keppendum í 6 sem myndu svo klára síðustu tvær greinarnar. Greinarnar fyrir þetta "cut" voru Uxaganga 410kg yfir 20m, loggur á max, 330kg réttstöðulyfta á reps og 80kg handlóð á reps. Eftir þetta var svo 505kg risa dekk og svo atlas steinar í lokin.

En þetta var einn af þessum dögum sem kippa manni niður á jörðina í smá stund. Því í fyrstu grein, uxagöngu fann ég mikinn herping og rifu hljóð í vinstri kálfanum og missti lóðin niður á um 15m línunni.

Ég tók þau strax upp aftur og kláraði á tíma sem var ca. 13,4sek var mér sagt. Þannig að ég var á nokkuð góðri ferð virðist vera. Ég vissi strax hvað hafi gerst en ekki hvort þetta væri sina skaði eða bara í vöðvanum. Það komu strax miklir verkir og ljóst var að ég var úr leik. Það tók mig smá tíma að sætta mig við hvað gerðist en þegar það tókst eftir nokkrar mínútur var ekkert annað að gera en að hjálpa strákunum og hvetja.

Brian Shaw gjörsamlega rústaði mótinu. Hann er orðinn virkilega öflugur og hann á góða möguleika á WSM titlinum síðar í ár. Johannes Arsjö stóð sig mjög vel og náði öðru sæti með Laurence Shalaei í þriðja. Ég spái þeim góðu gengi á WSM líka.

Top 3 sætin; Johannes Arsjö, Brian Shaw og Laurence Shalaei
Ljósm. www.treningsforum.no

Ég kom svo heim á sunnudag og gerði lítið annað en að kæla kálfann og halda honum uppi. Talaði svo við Ágúst Kárason bæklunarlækni núna á mánudag og hann sagði mér að þetta væri rifa í vöðvanum sjálfum og því ekki alvarlegt og tjáði mér að ég geti orðið heill eftir 3-6 vikur. Frábærar fréttir fyrir mig fyrir utan að ég missi af víkingnum. En ég get allavega einbeitt mér að mæta á World´s Strongest Man mótið í toppformi :) 

Keppendurnir - Ljósm. www.treningsforum.no

 Myndaalbúm frá mótinu

Lokastaða mótsins
47,5 Brian Shaw
37,5 Laurence Shahlaei
35,5 Johannes Årsjö
31,5 Espen Aune
31,5 David Ostlund
27,5 Richard Skog
25,0 Bjørn Andre Solvang
23,5 Mikkel Leicht
14,0 Paul Pirjol
13,5 Nikolaj Hansen
08,0 Stoyan Todorchev
05,0 Stefan Petturson