Norðurlandamót NSF í Kraftlyftingum 2010

Norðurlandamótið í kraftlyftingum og bekkpressu, opnum flokki, stendur nú yfir í Bergen, Noregi.  Þrír Íslendingar eru að keppa á mótinu. María Guðsteinsdóttir keppti í -67,5kg flokki og opnaði í 160kg í hnébeygju, klikkaði á 165kg en tók það svo í síðustu lyftunni. Opnunarþyngdin í bekknum var 95kg sem hún fékk gilda og tók svo 100kg og 102,5kg. María sigraði sinn flokk með 440kg í samanlögðu. Í 2.sæti var Linda Samuelsson frá Svíþjóð með 422,5kg í samanlögðu en hún opnaði í 102,5kg í bekknum. Þriðji keppandinn í flokknum féll úr í bekknum þegar hún reyndi við 85kg. 

María Guðsteinsdóttir
Ármann

Ljósm. Sunna Hlín

Làra Bogey Finnbogadóttir frá Akranesi var að keppa á sínu fyrsta erlenda móti og keppt í +90kg flokki. Á Kópavogsmótinu í júní tók hún 100kg í hnébeygju, 60kg í bekk og 130kg í réttstöðu. Í mótinu áðan í Noregi byrjaði hún á 107,5kg í hnébeygju tók síðan 115kg en klikkaði á 120kg. Í bekknum voru allar lyftur gildar; 65kg - 72,5kg - 80kg. Í réttstöðunni voru líka allar lyfturnar gildar; 120kg - 130kg og 140kg. Lára var með 335kg í samanlögðu og hafnaði hún því í 2.sæti en í 1.sæti var Katarina Nokua frá Finnlandi með 575kg í samanlögðu.

Ljósm. Sunna Hlín

Auðunn Jónsson varð í 2.sæti í +125kg flokki þar sem hann tók seríuna 380kg - 255kg - 320kg = 955kg. Byrjunarþyngdin í bekknum hjá honum er svo 255kg og 320kg í réttstöðunni. 4 keppendur eru skráðir í hans flokk en einn Fredrik Svensson fékk allar lyfturnar í beygjunni ógildar.

Auðunn Jónsson
Breiðablik

Ljósm. Klaus Jensen