Afmælismót Viking Gym í Bekkpressu 2010

Þann 2.október fagnaði Viking Gym afmæli sínu með því að halda bekkpressumót á Kaffi Akureyri um kvöldið. Árni Freyr vann á stigum hjá körlum og Tóta (Þórunn) hjá konum. Mótið var einnig góðgerðarmót þar sem öll keppnisgjöld og hagnaður af bolum rann til styrktar Hilmari Sigurjónssyni landsliðsmanns í blaki sem lenti í slæmu bílslysi í vor.

Ljósm. Barbara Hjartardóttir

Hilmar er 22 ára nemi við Háskóla Íslands. Hann er Íslandsmeistari í blaki og landsliðmaður í greininni. Þó Hilmar sé frá Ólafsvík, þá spilaði hann með liði KA og varð stúdent frá VMA þannig að Hilmar er hálfgerður heimamaður hér á Akureyri. Hilmar hafði sagt mér frá því að hann hafði hug á að komast út í atvinnumennsku, og að það væri gott útlit á það hjá honum í framtíðinni. Þess vegna tók ég það mjög nærri mér þegar ég frétti af því í vor að Hilmar hafði lenti í mjög slæmu bílslysi. Hann fékk stóran jeppa á fullri ferð framan á lítin fólksbíl sem hann var að keyra, og eru allir sammála um að hann sé þó heppinn að vera á lífi. En eðli meiðslanna eru þau að hann getur að öllum líkindum náð sér að fullu og spilað aftur. Þar sem ég þekki sjálfur það að vera íþróttamaður og lenda í meiðslum, þá fórum við að spá hvernig við gætum hjálpað Hilmari. Úr varð að við ákváðum að láta allan hagnað af Afmælismóti Viking Gym í bekkpressu renna óskipt til Hilmars, svo hann geti staðið straum af kostnaði við endurhæfingu. Þetta verður kannski ekki einhver stór upphæð sem safnast, en það er von okkar að þetta hjálpi honum að minnsta kosti eitthvað og hvetji aðra til að hjálpa honum í að ná sér og láta drauma sína rætast.

Kveðja, Sigfús Fossdal

Fyrir þá sem vijla styrkja Hilmar beint bendum við á reikningsnúmerið 1143-26-1506 kt.150688-3109.

Heildarúrslit

Þyngdfl.	Nafn	1lyfta	2lyfta	3lyfta	Þyngsta lyfta	Stig
75kg	Helgi Garðar	70	80	82,5	82,5	200,104
82,5kg	Erlingur Guðmunds	125	135	135	125	270,113
82,5kg	Hilmar Henning	100	110	-	100	216,090
100kg	Árni Freyr Árnason	155	160	170	160	310,800
100kg	Viktor Samúelsson	135	145	150	145	278,618
100kg	Atli Viðar Jónsson	95	100	110	100	199,710
110kg	Eyjólfur Unnarsson	100	150	162,5	150	279,090
110kg	Sigurður Grímlaugs	75	85	95	85	160,472
140kg	Erling Tom Erlings	125	135	135	135	239,841
140kg	Jón Þór Ásgrímsson	140	150	160	150	269,010
+140kg	Einar Már	150	150	160	150	263,655
67,5kg	Sólveig Bjarnar	30	37,5	40	40	147,588
82,5kg	Þórunn Elva Þórðar	47,5	55	60	55	170,363
+90kg	Kristín Helga Torfa	47,5	55	60	55	158,235