IFSA Sterkasti Maður Íslands 2007
Úrslit

Keppnin IFSA sterkasti maður Íslands var haldin í dag í smáralindinni að stöddu fjölmenni. Stefán Sölvi byrjaði að miklum krafti og vann fyrstu 2 greinarnar. Í þriðju greininni sem var dekkjavelta geystist hann af stað og ætlaði sér greinilega að taka hana líka, en þegar hann var kominn hálfa leið kom eitthvað fyrir tvíhöfðann á honum (slitinn?) og þurfti hann því að hætta keppni. Óskum þessum efnilegasta aflraunamanni Íslands von um góðan bata!

Eftir þetta steig Benedikt fram og sigldi örugglega fram úr öðrum keppendum og vann titilinn annað árið í röð.

Mótið var glæsilegt í alla staði og mjög vel að öllu staðið, mótshaldari Magnús Ver og aðrir hjálparmenn fá mikið hrós og verður án efa gaman að fylgjast með IFSA mótum í framtíðinni. Allur keppnisbúnaður til fyrirmyndar.

Nokkrir punktar:
* Kom sterklega fram hversu mikið reynslan skiptir máli í álkubbum yfir haus.
* Jörgen hrikalegur í deddinu, tók 16 lyftur en Benni einungis 10.
* Pétur Bruno með hrikalegt afl tók 3. sætið þrátt fyrir að vera meiddur á hné.
* Georg sannaði sig sem steinakóngur Íslands, vann þá grein með yfirburðum.
* Sigfús Fossdal sýndi að hann er greinilega með nóg af styrknum, vantar bara þol og reynslu.
* Hjörtur Hjartarsson kom á óvart og er greinilega efni í aflraunamann, væri gaman að sjá hvernig gengur ef hann tekur vel á styrknum og þyngir sig aðeins.
* Herkúlesarhaldið virtist skítlétt þegar Pétur Bruno tók á því.
* Hendin á Stefán Sölva var orðin svört í lok mótsins.